ഖത്തര്‍-സൗദി ഏകോപന കൗണ്‍സിലിന്റെ എക്‌സിക്യൂട്ടീവ് കമ്മിറ്റി യോഗം
ദോഹ: ഖത്തര്‍-സൗദി ഏകോപന കൗണ്‍സിലിന്റെ എക്‌സിക്യൂട്ടീവ് കമ്മിറ്റി യോഗം ദോഹയില്‍ നടന്നു. ഖത്തര്‍ പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുള്‍റഹ്‌മാന്‍ ബിന്‍ ജാസിം അല്‍ താനിയും സൗദി അറേബ്യ വിദേശകാര്യ മന്ത്രിയുമായ പ്രിന്‍സ് ഫൈസല്‍ ബിന്‍ ഫര്‍ഹാന്‍ ബിന്‍ അബ്ദുല്ല അല്‍ സൗദും യോഗത്തിന് നേതൃത്വം നല്‍കി.
മേഖല നേരിടുന്ന അസാധാരണമായ രാഷ്ട്രീയ, സാമ്പത്തിക വെല്ലുവിളികളുടെ വെളിച്ചത്തില്‍, ഇരു രാജ്യങ്ങളും തമ്മിലുള്ള ആഴത്തില്‍ വേരൂന്നിയ സാഹോദര്യ ബന്ധങ്ങളെക്കുറിച്ച് ചര്‍ച്ച ചെയ്യുന്നതിനുള്ള വിലപ്പെട്ട അവസരമാണ് ഈ യോഗമെന്ന് പ്രധാനമന്ത്രിയും വിദേശകാര്യ മന്ത്രിയും തന്റെ പ്രസംഗത്തില്‍ പറഞ്ഞു. ഇതില്‍ ഉള്‍പ്പെട്ടിരിക്കുന്ന എല്ലാ കക്ഷികളും സഹകരണം വര്‍ദ്ധിപ്പിക്കുകയും തുടര്‍ച്ചയായ ഏകോപനം തീവ്രമാക്കുകയും ഉയര്‍ന്ന തലത്തിലുള്ള സംയോജനം കൈവരിക്കുകയും ചെയ്യേണ്ടത് ഈ വെല്ലുവിളികള്‍ക്ക് ആവശ്യമാണെന്ന് അദ്ദേഹം കൂട്ടിച്ചേര്‍ത്തു.
