ഡിജിറ്റല്‍ പാസ്‌പോര്‍ട്ട് ആപ്‌ളിക്കേഷന്‍ ഉപയോഗിക്കുന്ന മിഡില്‍ ഈസ്റ്റിലെ ആദ്യ വിമാന കമ്പനിയാകാനൊരുങ്ങി ഖത്തര്‍ എയര്‍വേയ്‌സ്

ഡോ. അമാനുല്ല വടക്കാങ്ങരJanuary 26, 2021

150 0 Less than a minute

ഡോ. അമാനുല്ല വടക്കാങ്ങര

ദോഹ: ഡിജിറ്റല്‍ പാസ്‌പോര്‍ട്ട് ആപ്‌ളിക്കേഷന്‍ ഉപയോഗിക്കുന്ന മിഡില്‍ ഈസ്റ്റിലെ ആദ്യ വിമാന കമ്പനിയാകാനൊരുങ്ങി ഖത്തര്‍ എയര്‍വേയ്‌സ്. 2021 മാര്‍ച്ച് മുതല്‍ ഇന്റര്‍നാഷണല്‍ എയര്‍ ട്രാന്‍സ്‌പോര്‍ട്ട് അസോസിയേഷനുമായി പസഹകരിച്ച് നൂതനമായ പുതിയ അയാട്ട ട്രാവല്‍ പാസ് ‘ഡിജിറ്റല്‍ പാസ്പോര്‍ട്ട്’ മൊബൈല്‍ ആപ്ലിക്കേഷന്‍ പരീക്ഷിക്കാന്‍ തയ്യാറെടുക്കുന്നതായി ഖത്തര്‍ എയര്‍വേയ്‌സ് അറിയിച്ചു. യാത്രക്കാര്‍ക്ക് കൂടുതല്‍ സമ്പര്‍ക്കമില്ലാത്തതും സുരക്ഷിതവും തടസ്സമില്ലാത്തതുമായ യാത്രാനുഭവം നേടാനുള്ള എയര്‍ലൈനിന്റെ കാഴ്ചപ്പാടില്‍ പ്രധാന പങ്ക് വഹിക്കുന്ന പരീക്ഷണമാണിതെന്ന് വിലയിരുത്തപ്പെടുന്നു

‘ഡിജിറ്റല്‍ പാസ്പോര്‍ട്ടി’ന്റെ ആദ്യ ഘട്ട പരീക്ഷണങ്ങള്‍ എയര്‍ലൈനിന്റെ ദോഹ ഇസ്താംബുള്‍ റൂട്ടിലാണ് ആരംഭിക്കുക. ഇത് യാത്രക്കാര്‍ക്ക് കോവിഡ് പരീക്ഷണ ഫലങ്ങള്‍ അറിയാനും യാത്രാ ഫിറ്റ്‌നസ് ഉറപ്പുവരുത്തുവാനും സഹായിക്കുന്നു. വിമാനത്താവളത്തില്‍ എത്തുന്നതിനുമുമ്പുതന്നെ, യാത്രക്കാര്‍ക്ക് അവരുടെ സ്ഥിരീകരിച്ച ‘ഓകെ ടു ട്രാവല്‍’ സ്റ്റാറ്റസ് എയര്‍ലൈനുമായും മറ്റ് പങ്കാളികളുമായും കൃത്യമായും സുരക്ഷിതമായും പങ്കിടാന്‍ ഇത് സഹായിക്കും.

വിവിധ രാജ്യങ്ങളുടെ കോവിഡ് പ്രോട്ടോക്കോള്‍ അനുസരിച്ച എന്‍ട്രി എക്‌സിറ്റ് വ്യവസ്ഥകള്‍ പാലിക്കുന്നതിന് യാത്രക്കാരെ സഹായിക്കുന്ന ആരോഗ്യ നിയന്ത്രണങ്ങളെക്കുറിച്ചുള്ള ഏറ്റവും പുതിയ വിവരങ്ങളും അയാട്ട ട്രാവല്‍ പാസ് നല്‍കും.

ഡോ. അമാനുല്ല വടക്കാങ്ങരJanuary 26, 2021

150 0 Less than a minute