ഖത്തര് വിപണിയിലുള്ള എല്ലാ കിന്ഡര് ബ്രാന്ഡഡ് ചോക്ലേറ്റ് ഉല്പ്പന്നങ്ങളും സുരക്ഷിതം. പൊതുജനാരോഗ്യ മന്ത്രാലയം
അമാനുല്ല വടക്കാങ്ങര
ദോഹ. ഖത്തര് വിപണിയിലുള്ള എല്ലാ കിന്ഡര് ബ്രാന്ഡഡ് ചോക്ലേറ്റ് ഉല്പ്പന്നങ്ങളും സുരക്ഷിതമാണെന്നും ഖത്തര് നടപ്പിലാക്കിയിരിക്കുന്ന മാനദണ്ഡങ്ങള്ക്കും സ്പെസിഫിക്കേഷനുകള്ക്കും അനുസൃതമാണെന്നും മനുഷ്യ ഉപഭോഗത്തിന് അനുയോജ്യമാണെന്നും പൊതുജനാരോഗ്യ മന്ത്രാലയം സ്ഥിരീകരിച്ചു.
ജര്മ്മനി, ഇന്ത്യ, ഇറ്റലി, പോളണ്ട്, ബെല്ജിയം, യുകെ, ഫ്രാന്സ് എന്നിവിടങ്ങളില് നിന്നുള്ള കിന്ഡര് ചോക്ലേറ്റുകള്ക്കായി പ്രാദേശിക വിപണിയില് നിന്ന് എടുത്ത 51 സാമ്പിളുകളുടെയും ലബോറട്ടറി വിശകലനത്തിന്റെ ഫലത്തെ അടിസ്ഥാനമാക്കിയാണ് മന്ത്രാലയത്തിന്റെ സ്ഥിരീകരണം.
ബെല്ജിയത്തില് നിന്ന് ഉത്ഭവിച്ച കിന്ഡര് സര്പ്രൈസ് എന്ന ബ്രാന്ഡിന്റെ ഒരു തരവുമായി ബന്ധപ്പെട്ട വിജ്ഞാപനം പ്രസക്തമാണെങ്കിലും, മുന്കരുതല് നടപടിയായി, പൊതുജനാരോഗ്യ മന്ത്രാലയം ഖത്തറില് പ്രദര്ശിപ്പിച്ചിരിക്കുന്ന എല്ലാത്തരം ഉല്പ്പന്നങ്ങളില് നിന്നും സാമ്പിളുകള് പിന്വലിച്ചതായി മന്ത്രാലയം വിശദീകരിച്ചു.
ബെല്ജിയത്തില് ഉല്പാദിപ്പിച്ചതൊഴികെ വിപണിയില് നിന്ന് പിന്വലിച്ച ചോക്ളേറ്റുകള് റിലീസ് ചെയ്യാന് പൊതുജനാരോഗ്യ മന്ത്രാലയം നിര്ദ്ദേശിച്ചു. കിന്ഡര് സര്പ്രൈസ് ചോക്ലേറ്റ് സംബന്ധിച്ച അറിയിപ്പുകളുമായി ബന്ധപ്പെട്ട് ഖത്തറില് വിഷബാധയേറ്റ കേസുകളുടെ റിപ്പോര്ട്ടുകളൊന്നും ലഭിച്ചിട്ടില്ലെന്നും മന്ത്രാലയം വ്യക്തമാക്കി.
ഖത്തറിലെ ഭക്ഷ്യസുരക്ഷ അതോറിറ്റി എന്ന നിലയില്, ഉപഭോക്താവിന്റെ ആരോഗ്യവും സുരക്ഷയും സംരക്ഷിക്കാന് ലഭ്യമായ എല്ലാ മാര്ഗങ്ങളും സ്വീകരിക്കുമെന്ന് പൊതുജനാരോഗ്യ മന്ത്രാലയം ഉറപ്പുനല്കി
