ഗതാഗത സുരക്ഷയില് മുന്നിര രാജ്യങ്ങളിലൊന്നാണ് ഖത്തര്
അമാനുല്ല വടക്കാങ്ങര
![](https://internationalmalayaly.com/wp-content/uploads/2023/05/traffic-1.jpg)
ദോഹ: റോഡ് സുരക്ഷാ സൂചകങ്ങളില് കൈവരിച്ച നേട്ടങ്ങളുടെ വെളിച്ചത്തില് ഗതാഗത സുരക്ഷയില് മുന്നിര രാജ്യങ്ങളിലൊന്നാണ് ഖത്തറെന്ന് ട്രാഫിക് ആക്ടിംഗ് ഡയറക്ടര് ജനറല് ബ്രിഗേഡിയര് അബ്ദുല് അസീസ് ബിന് ജാസിം അല്താനി അഭിപ്രായപ്പെട്ടു.
ട്രാഫിക് സംവിധാനത്തിലെ നിയുക്ത അധികാരികള് കഴിഞ്ഞ വര്ഷങ്ങളില് ഗതാഗത സുരക്ഷ കൈവരിക്കുന്നതിന് നിരവധി നടപടികള് സ്വീകരിച്ചിട്ടുണ്ടെന്ന് അറബ് ട്രാഫിക് വാരത്തിന്റെ സമാപനത്തോടനുബന്ധിച്ച് ബുധനാഴ്ച നടത്തിയ പത്രക്കുറിപ്പില് ഡയറക്ടര് ജനറല് ഓഫ് ട്രാഫിക് പറഞ്ഞു. റോഡുകള്, ഗതാഗത നയങ്ങള് ശക്തിപ്പെടുത്തല്, രൂപപ്പെടുത്തല്, വികസിപ്പിക്കല് എന്നിവ അപകടങ്ങളുടെയും ഗതാഗത ലംഘനങ്ങളുടെയും നിരക്കില് കുറവുണ്ടാക്കുകയും അത്തരം അപകടങ്ങളുടെ ഫലമായുണ്ടാകുന്ന അപകട മരണങ്ങളുടെയും ഗുരുതരമായ പരിക്കുകളുടെയും എണ്ണത്തിലും കുറവുണ്ടാക്കുകയും ചെയ്തു.
കൈവരിച്ച ഫലങ്ങള് ട്രാഫിക് സേഫ്റ്റി മാനേജ്മെന്റ് രംഗത്ത് ലോകത്തിലെ മുന്നിര രാജ്യങ്ങളിലൊന്നായി ഖത്തറിനെ മാറ്റുകയും മേഖലയിലെ രാജ്യങ്ങളുടെ മുന്നിരയിലേക്ക് മാറുകയും ചെയ്തതായി അദ്ദേഹം വിലയിരുത്തി.
റോഡിന്റെ ഗുണനിലവാരം, നിരീക്ഷണം, വിലയിരുത്തല്, പ്രതികരണ വേഗത, സേവനങ്ങള്, സ്മാര്ട്ട് സംവിധാനങ്ങള്, ട്രാഫിക് ബോധവല്ക്കരണ കാമ്പെയ്നുകള്, റോഡപകടങ്ങള് കുറയ്ക്കുന്നതിനും മരണങ്ങള് കുറയ്ക്കുന്നതിനും നൂതനമായ പരിഹാരങ്ങള് കണ്ടെത്തല് എന്നിവയുടെ വികസനവും മെച്ചപ്പെടുത്തലും ഗതാഗത സുരക്ഷ വര്ദ്ധിപ്പിക്കുവാന് സഹായിച്ചതായി ബ്രിഗേഡിയര് ജനറല് അബ്ദുല് അസീസ് ബിന് ജാസിം അല്താനി പറഞ്ഞു.