ലോകത്തെ മികച്ച മൂന്നാമത്തെ തുറമുഖമായി ഖത്തറിലെ ഹമദ് പോര്ട്ട്
അമാനുല്ല വടക്കാങ്ങര
ദോഹ: ലോകത്തെ മികച്ച മൂന്നാമത്തെ തുറമുഖമായി ഹമദ് പോര്ട്ട് .ലോകബാങ്കിന്റെയും എസ് ആന്റ് പി ഗ്ലോബല് മാര്ക്കറ്റ് ഇന്റലിജന്സിന്റെയും 2021-ലെ 370 അംഗ കണ്ടെയ്നര് പോര്ട്ട് പെര്ഫോമന്സ് ഇന്ഡക്സിലാണ് ലോകത്തിലെ ഏറ്റവും കാര്യക്ഷമമായ മൂന്നാമത്തെ ഗേറ്റ്വേയായി ഖത്തറിലെ ഹമദ് പോര്ട്ട് സ്ഥാനം പിടിച്ചത്.
ലോകമെമ്പാടുമുള്ള എല്ലാ തുറമുഖങ്ങളിലും അഭൂതപൂര്വമായ ട്രാഫിക്കും ആഗോളതലത്തില് വിതരണ ശൃംഖലയും തടസ്സപ്പെട്ട വര്ഷമായ 2021-ല് ഉടനീളം ഓരോ തുറമുഖങ്ങളിലും ലോഡിംഗ്, അണ്ലോഡിംഗ് ജോലികള്ക്കിടയിലും ഒരു കപ്പല് ഒരു ചെലവഴിച്ച മണിക്കൂറുകളുടെ എണ്ണമാണ് കാര്യക്ഷമതയുടെ അടയാളമായി സൂചിക പ്രധാനമായും പരിഗണിച്ചത്.
നിരവധി മുന്നിര റാങ്കിംഗുകളില് ആധിപത്യം പുലര്ത്തുന്ന മിഡില് ഈസ്റ്റിലെ തുറമുഖങ്ങളുടെ പ്രതിരോധവും മികവും കൊറോണ മഹാമാരിയുടെ പ്രത്യാഘാതങ്ങള്ക്കിടയിലുള്ള അവരുടെ ശക്തമായ പ്രകടനവും റിപ്പോര്ട്ട് എടുത്തുകാണിക്കുന്നു.
2021-ല് ഹമദ് തുറമുഖത്ത് ഏകദേശം 1750 കപ്പലുകളാണെത്തിയത്. ലഭിച്ചു, 1.54 ദശലക്ഷത്തിലധികം 20 ഫൂട്ട് കണ്ടെയിനറുകള്, 1.3 ദശലക്ഷം ടണ് ബള്ക്ക് കാര്ഗോ, ഏകദേശം 267.2 ആയിരം ടണ് ജനറല് കാര്ഗോ എന്നിവ കൈകാര്യം ചെയ്തു. കൂടാതെ നാല്പ്പത്തയ്യായിരത്തിലധികം കന്നുകാലികളും, എഴുപത്തിരണ്ടായിരത്തിലധികം വാഹനങ്ങളും ഉപകരണങ്ങളും ഹമദ് പോര്ട്ട് കൈകാര്യം ചെയ്തു.
മിഡില് ഈസ്റ്റിലെയും കിഴക്കന് ഏഷ്യയിലെയും നിരവധി തുറമുഖങ്ങള് റാങ്കിംഗില് ആധിപത്യം പുലര്ത്തുന്നതായി സൂചിക പറയുന്നു.
