ഖത്തറിലെ മൊത്തം കോവിഡ് രോഗികള്‍ ആയിരത്തില്‍ താഴെയെത്തി

അമാനുല്ല വടക്കാങ്ങര

ദോഹ. ദീര്‍ഘനാളത്തെ പരിശ്രമങ്ങളുടെ ഭാഗമായി ഖത്തറിലെ മൊത്തം കോവിഡ് രോഗികള്‍ ആയിരത്തില്‍ താഴെയെത്തി. കഴിഞ്ഞ 24 മണിക്കൂറില്‍ നടന്ന 12670 പരിശോധനയില്‍ 2 യാത്രക്കാര്‍ക്കടക്കം 68 പേര്‍ക്കാണ് ഇന്ന് കോവിഡ് സ്ഥിരീകരിച്ചത്. 143 പേര്‍ക്ക് ഇന്ന് രോഗമുക്തി റിപ്പോര്‍ട്ട് ചെയ്തതോടെ രാജ്യത്തെ മൊത്തം കോവിഡ് രോഗികള്‍ 982 ആയി കുറഞ്ഞു. ഇന്ന് ആശുപത്രിയിലോ തീവ്ര പരിചരണ വിഭാഗത്തിലോ ആരെയും പ്രവേശിപ്പിച്ചില്ല. നിലവില്‍ 3 പേര്‍ തീവ്ര പരിചരണ വിഭാഗത്തിലും 27 പേര്‍ ആശുപത്രിയിലും ചികിത്സയിലുണ്ട്.