288 ഡീകമ്മീഷന്‍ ചെയ്ത സര്‍ക്കാര്‍ വാഹനങ്ങളും ഉപകരണങ്ങളും മുനിസിപ്പാലിറ്റി മന്ത്രാലയം ലേലം ചെയ്യും
ദോഹ: ഖത്തര്‍ മുനിസിപ്പാലിറ്റി മന്ത്രാലയം 2025 ജൂണ്‍ 16 മുതല്‍ 288 സര്‍ക്കാര്‍ വാഹനങ്ങളുടെയും ഉപകരണങ്ങളുടെയും പൊതു ലേലം പ്രഖ്യാപിച്ചു.
അല്‍-വക്ര മുനിസിപ്പാലിറ്റി തിയേറ്ററില്‍ നടക്കുന്ന ലേലം, ജൂണ്‍ 16 തിങ്കളാഴ്ച മുതല്‍ 2025 ജൂണ്‍ 19 വ്യാഴാഴ്ച വരെ നീണ്ടുനില്‍ക്കും, എല്ലാ ദിവസവും ഉച്ചകഴിഞ്ഞ് 3:30 ന് ആരംഭിച്ച് എല്ലാ ഇനങ്ങളും വിറ്റഴിക്കപ്പെടുകയോ അളവ് തീരുകയോ ചെയ്യുന്നതുവരെ ലേലം തുടരും.
പൊതു ലേലത്തില്‍ പങ്കെടുക്കുന്നതിനുള്ള വ്യവസ്ഥകള്‍ ഇപ്രകാരമാണ്:
പങ്കെടുക്കുന്നവര്‍ ലേല സമയത്ത് അല്‍-വക്ര മുനിസിപ്പാലിറ്റി തിയേറ്ററില്‍ ഒരു ലേല പങ്കാളിത്ത കാര്‍ഡ് നേടണം.
ലേലത്തില്‍ വിജയിച്ചാല്‍, വില്‍പ്പന മൂല്യത്തിന്റെ 20% ഇലക്ട്രോണിക് പേയ്മെന്റ് (ക്രെഡിറ്റ് കാര്‍ഡ്) വഴി നിക്ഷേപമായി നല്‍കുകയും ബാക്കി തുക വില്‍പ്പന തീയതി മുതല്‍ രണ്ട് പ്രവൃത്തി ദിവസങ്ങള്‍ക്കുള്ളില്‍ അടയ്ക്കുകയും വേണം.
ഓരോ വാഹനവും പരിശോധനാ യാര്‍ഡിലെ അതിന്റെ അവസ്ഥ അനുസരിച്ച് ലേലത്തില്‍ വ്യക്തിഗതമായാണ് വില്‍ക്കുക.
വാഹനങ്ങളുടെ പരിശോധന വാദി അബ സലീല്‍ ഏരിയയിലെ മുനിസിപ്പാലിറ്റി മന്ത്രാലയത്തിലെ വെഹിക്കിള്‍ കളക്ഷന്‍ യാര്‍ഡില്‍ (സ്‌ക്രാപ്പ് അല്‍-മഷാഫ്) നടക്കും, ലേലത്തിന്റെ എല്ലാ ദിവസവും രാവിലെ 8 മുതല്‍ 11 വരെ ഇത് പ്രവര്‍ത്തിക്കും.
