Archived Articles
കള്ച്ചറല് ഫോറം അഭിനയക്കളരി സംഘടിപ്പിച്ചു
അമാനുല്ല വടക്കാങ്ങര
ദോഹ. അഭിനയം, തിരക്കഥ രചന, സംവിധാനം തുടങ്ങിയവയില് തല്പരരായവര്ക്ക് വേണ്ടി കള്ച്ചറല് ഫോറം അഭിനയക്കളരി സംഘടിപ്പിച്ചു.
കള്ച്ചറല് ഫോറം വൈസ് പ്രസിഡന്റ് ചന്ദ്രമോഹന് ക്യാമ്പ് ഉദ്ഘാടനം ചെയ്തു. കലയും കലാകാരനും സമൂഹത്തിന്റെ വഴികാട്ടിയാവണമെന്നും കലയിലൂടെ സാമൂഹിക ഇടപെടല് നടത്തുമ്പോഴാണ് ഒരു കലാകാരന് മികവുറ്റതാവുന്നതെന്നും അദ്ദേഹം പറഞ്ഞു.
കള്ച്ചറല് ഫോറം ജനറല് സെക്രട്ടറി താസീന് അമീന് അദ്ധ്യക്ഷത വഹിച്ചു. കള്ച്ചറല് ഫോറം വൈസ് പ്രസിഡന്റ് മുഹമ്മദ് കുഞ്ഞി, സെക്രട്ടറി അനീസ് മാള തുടങ്ങിയവര് സംസാരിച്ചു. നാടക പ്രവര്ത്തകരായ തസ്നീമുറഹ്മാന്, ലത്തീഫ് വടക്കേക്കാട് തുടങ്ങിയവര് പരിശീലന പരിപാടിക്ക് നേതൃത്വം നല്കി.
