പ്രവാസി ക്ഷേമ പദ്ധതികൾ അറിയാം :കൾച്ചറൽ ഫോറം മങ്കട മണ്ഡലം കൺവെൻഷൻ സംഘടിപ്പിച്ചു

ദോഹ: “പ്രവാസി ക്ഷേമ പദ്ധതികൾ അറിയാം” എന്ന തലക്കെട്ടിൽ കൾച്ചറൽ ഫോറം ഖത്തർ സംഘടിപ്പിക്കുന്ന ക്യാമ്പയിന്റെ ഭാഗമായി മങ്കട മണ്ഡലം കൺവെൻഷൻ സംഘടിപ്പിച്ചു. കൾച്ചറൽ ഫോറം മങ്കട മണ്ഡലം പ്രസിഡന്റ് ഷിബിലുറഹ്മാൻ അധ്യക്ഷത വഹിച്ചു. സി.ഐ.സി  റയ്യാൻ ഹാളിൽ വെച്ച് നടന്ന കൺവെൻഷനിൽ റിസോർസ് പേർസൺ ഷാക്കിർ ബേപ്പൂർ നോർക്ക റൂട്ട്സ്, പ്രവാസി വെൽഫെയർ സ്കീം, ഐ സി ബി ഐഫ് ഇൻഷുറൻസ് എന്നിവയെ കുറിച്ച് ബോധവൽക്കരണ ക്ലാസ് നടത്തി. 40 ഓളം പ്രവർത്തകർ പങ്കെടുത്ത പരിപാടിയിൽ മണ്ഡലം ജനറൽ സെക്രട്ടറി റഫീഖ് സ്വാഗതവും ട്രഷറർ നജീബ് നന്ദിയും പറഞ്ഞു.

കൺവൻഷനോടനുബന്ധിച്ച് നടന്ന ക്ഷേമ പദ്ധതി ബൂത്ത് വഴി വിവിധ പദ്ധതികളിൽ പ്രവർത്തകർ ഭാഗവാക്കായി. അഫ്സൽ ഹുസൈൻ, റഷാദ് മുബാറക്, യാസർ അറഫാത്ത് എന്നിവർ നേതൃത്വം കൊടുത്തു.