അമാനുല്ല വടക്കാങ്ങര

ദോഹ. മൂടല്‍മഞ്ഞുള്ള കാലാവസ്ഥയില്‍ വാഹനമോടിക്കുന്നതിലെ അപകടം സംബന്ധിച്ച മുന്നറിയിപ്പുമായി എച്ച്എംസി ട്രോമ ടീം. മൂടല്‍മഞ്ഞുള്ള കാലാവസ്ഥയിലും ദൃശ്യപരത കുറവുള്ള സമയങ്ങളിലും തെളിയിക്കപ്പെട്ട സുരക്ഷാ മുന്‍കരുതലുകള്‍ എടുക്കണമെന്ന് ട്രോമ ടീം ഡ്രൈവര്‍മാര്‍ക്ക് മുന്നറിയിപ്പ് നല്‍കുന്നു.

മൂടല്‍മഞ്ഞുള്ള സീസണില്‍ റോഡ് സുരക്ഷ ഒരു പ്രധാന വിഷയമാണെന്ന് എച്ച്എംസിയുടെ ഹമദ് ട്രോമ സെന്ററിന്റെ കമ്മ്യൂണിറ്റി ഔട്ട്‌റീച്ച് വിഭാഗമായ എച്ച്‌ഐപിപി ഡയറക്ടര്‍ ഡോ. റാഫേല്‍ കണ്‍സുന്‍ജി പറയുന്നു. മൂടല്‍മഞ്ഞ് നേര്‍ത്തതോ കട്ടിയുള്ളതോ ആകാം. അതിലൂടെ കാണാന്‍ പ്രയാസമാണ്. ചില സാഹചര്യങ്ങളില്‍, മൂടല്‍മഞ്ഞ് വളരെ കട്ടിയുള്ളതായിരിക്കും, അത് കടന്നുപോകുന്ന കാറുകളെയും മറ്റ് വാഹനങ്ങളെയും കാല്‍നടയാത്രക്കാരെയും അദൃശ്യമാക്കുന്നു.

മൂടല്‍മഞ്ഞുള്ള സാഹചര്യത്തില്‍ വാഹനമോടിക്കുന്നതിന് പ്രത്യേക സുരക്ഷിതമായ ഡ്രൈവിംഗ് ടെക്‌നിക്കുകള്‍ ആവശ്യമാണ്. ഈ പാരിസ്ഥിതിക റോഡ് അപകടം ഏറെ ശ്രദ്ധിക്കണം. കാരണം മറ്റ് വാഹനങ്ങള്‍ കാണാനുള്ള ഒരാളുടെ കഴിവ് നിമിഷങ്ങള്‍ക്കുള്ളില്‍ പൂജ്യത്തിലേക്ക് കുതിക്കാം.