ഖത്തര്‍ ഇന്റര്‍നാഷണല്‍ മെന്റല്‍ ഹെല്‍ത്ത് കോണ്‍ഫറന്‍സ് മെയ് 25 മുതല്‍ 27 വരെ ദോഹയില്‍
അമാനുല്ല വടക്കാങ്ങര
ദോഹ. ഖത്തര്‍ ഇന്റര്‍നാഷണല്‍ മെന്റല്‍ ഹെല്‍ത്ത് കോണ്‍ഫറന്‍സ് മെയ് 25 മുതല്‍ 27 വരെ ദോഹയില്‍ നടക്കും. ഈ മേഖലയിലെ അനുഭവങ്ങളും അറിവുകളും ഗവേഷണങ്ങളും പങ്കിടുന്നതിനുള്ള വേദിയാകുന്ന കോണ്‍ഫറന്‍സ് മാനസികാരോഗ്യ സംരക്ഷണത്തിലും മാറ്റം കൊണ്ടുവരുമെന്ന് പ്രതീക്ഷിക്കുന്നു.
ഹമദ് മെഡിക്കല്‍ കോര്‍പ്പറേഷന്‍ സംഘടിപ്പിക്കുന്ന കോണ്‍ഫറന്‍സില്‍ മാനസികാരോഗ്യ മേഖലയിലെ പ്രമുഖ ഡോക്ടര്‍മാരും ശാസ്ത്രജ്ഞരും ഗവേഷകരും സംബന്ധിക്കും.
എല്ലാവര്‍ക്കും മാനസികാരോഗ്യം: നൂതനത്വങ്ങളും വെല്ലുവിളികളും പ്രാദേശികമായി മാറുന്ന മാറ്റങ്ങളും” എന്ന പ്രമേയത്തില്‍ പ്രാദേശിക, അന്തര്‍ദേശീയ പ്രേക്ഷകര്‍ക്കായി പ്രാദേശികമായാണ് കോണ്‍ഫറന്‍സ് സംഘടിപ്പിക്കുന്നതെന്ന് എച്ച്എംസിയിലെ മാനസികാരോഗ്യ സേവനങ്ങളുടെ ചെയര്‍മാനും മെഡിക്കല്‍ ഡയറക്ടറുമായ ഡോ. മജിദ് അലബ്ദുള്ള വിശദീകരിച്ചു.
