വ്യാഴം, വെള്ളി മാര്‍ക്കറ്റിലെ ഇഫ്താര്‍ ടെന്റില്‍ നിത്യവും നോമ്പു തുറക്കാനെത്തുന്നത് ആയിരത്തി ഇരുനൂറിലധികം പേര്‍
അമാനുല്ല വടക്കാങ്ങര
ദോഹ: ഐന്‍ ഖാലിദ് ഏരിയയിലെ വ്യാഴം, വെള്ളി മാര്‍ക്കറ്റിലെ ഇഫ്താര്‍ ടെന്റില്‍ വന്‍ ജനപങ്കാളിത്തമാണ് കാണുന്നതെന്നും നിത്യവും നോമ്പു തുറക്കാനായി ടെന്റിലെത്തുന്ന ആയിരത്തി ഇരുനൂറിലധികം പേരാണെന്നും ഔഖാഫ്, ഇസ്ലാമിക കാര്യ മന്ത്രാലയത്തിലെ ജനറല്‍ ഡയറക്ടറേറ്റ് ഓഫ് എന്‍ഡോവ്മെന്റ് സ്ഥിരീകരിച്ചു.
ഈ കൂടാരം ഹിജ്‌റ 1444-ലെ ‘ഇഫ്താര്‍ ഫോര്‍ ദി ഫാസ്റ്റിംഗ്’ പദ്ധതിയുടെ ഭാഗമാണ്, അതില്‍ രാജ്യത്തെ വിവിധ ജനസാന്ദ്രതയുള്ള പ്രദേശങ്ങളിലെ 10 സൈറ്റുകള്‍ ഉള്‍പ്പെടുന്നു.
നോമ്പെടുക്കുന്നവരെ ഇഫ്താറിന് സ്വാഗതം ചെയ്യുന്നതിനായി എല്ലാവിധ സുരക്ഷാ ആവശ്യകതകളും ഒരുക്കി ടെന്റുകള്‍ ഒരുക്കിയിട്ടുണ്ടെന്ന് ജനറല്‍ ഡയറക്ടറേറ്റ് ഓഫ് എന്‍ഡോവ്മെന്റ് പ്രസ്താവനയില്‍ പറഞ്ഞു.
ഔഖാഫ്, ഇസ് ലാമിക കാര്യ മന്ത്രാലയത്തില്‍ നിന്നുള്ള യോഗ്യതയും പരിശീലനം ലഭിച്ചതുമായ ഡസന്‍ കണക്കിന് സൂപ്പര്‍വൈസര്‍മാരാണ് ഇഫ്താര്‍ ടെന്റുകളുടെ മേല്‍നോട്ടം വഹിക്കുന്നതെന്ന് പ്രസ്താവന സൂചിപ്പിച്ചു.
പതിനായിരത്തിലധികം ആളുകള്‍ക്ക് ഇഫ്താര്‍ നല്‍കാന്‍ ലക്ഷ്യമിട്ട് ഔഖാഫ്, ഇസ് ലാമിക കാര്യ മന്ത്രാലയത്തിലെ ജനറല്‍ ഡയറക്ടറേറ്റ് ഓഫ് എന്‍ഡോവ്മെന്റ് ഈ വര്‍ഷം നോമ്പുകാര്‍ക്കായി ഇഫ്താര്‍ ഭക്ഷണ പദ്ധതി സംഘടിപ്പിക്കുന്നു.
മുഴുവന്‍ ടെന്റിന്റെയും ചെലവുകള്‍ വഹിച്ചോ അല്ലെങ്കില്‍ കഴിവിനനുസരിച്ച് സംഭാവന നല്‍കിയോ നോമ്പുകാരുടെ ഇഫ്താര്‍ സൈറ്റുകളെ പിന്തുണയ്ക്കുന്നതിനായി ചാരിറ്റബിള്‍ എന്‍ഡോവര്‍മാരില്‍ നിന്ന് ഡയറക്ടറേറ്റ് ഓഫ് സംഭാവനകള്‍ സ്വീകരിക്കുന്നു.
