ഡോ. അമാനുല്ല വടക്കാങ്ങര

ദോഹ. രാജ്യത്ത് പ്രതിദിന കോവിഡ് കേസുകള്‍ വര്‍ദ്ധിച്ചതോടെ, പൊതുജനങ്ങളുടെ പങ്കാളിത്തത്തോടെ ബോധവല്‍ക്കരണ പരിപാടിയുമായി പൊതുജനാരോഗ്യ മന്ത്രാലയം.

വൈറസ് വ്യാപനത്തിന്റെ ഉത്തരവാദിത്തം ഏറ്റെടുക്കാനും വൈറസ് പടരുന്നത് നിയന്ത്രിക്കുന്നതിന് മുന്‍കരുതല്‍ നടപടികള്‍ സ്വീകരിക്കാനും ആവശ്യപ്പെടുന്ന സോഷ്യല്‍ മീഡിയ കാമ്പയിനാണ് മന്ത്രാലയം തുടക്കമിട്ടത്.

കോവിഡ് വ്യാപനം തടയുന്നതിനുള്ള വ്യക്തിഗത ഉത്തരവാദിത്തം സര്‍ക്കാര്‍ നടപടിയ്ക്ക് തുല്യമായതിനാല്‍ പൊതുജനങ്ങളുടെ സഹകരണം ഏറെ പ്രധാനമാണ്. ഹമദ് മെഡിക്കല്‍ കോര്‍പ്പറേഷന്‍, പ്രൈമറി ഹെല്‍ത്ത് കെയര്‍ കോര്‍പ്പറേഷന്‍ എന്നിവയുമായി സഹകരിച്ച കാമ്പയിന്‍ വിവിധ ഭാഷകളിലുണ്ട്. ‘ഉത്തരവാദിത്തമുള്ളവരായിരിക്കുക. ഫെയ്സ് മാസ്‌ക് ധരിക്കാന്‍ ഞാന്‍ പ്രതിജ്ഞാബദ്ധനാണ്. സ്വയം പരിരക്ഷിക്കുക, നിങ്ങളുടെ കുടുംബത്തെ സംരക്ഷിക്കുക, നിങ്ങളുടെ രാജ്യത്തെ സംരക്ഷിക്കുക. എന്നതാണ് കാമ്പയിന്‍ പ്രമേയം.