ബഹിരാകാശത്ത് നിന്നുള്ള ഖത്തറിന്റെ ചിത്രം പങ്കുവെച്ച് എമിറാത്തി ബഹിരാകാശ സഞ്ചാരി
അമാനുല്ല വടക്കാങ്ങര
ദോഹ : ബഹിരാകാശത്ത് നിന്നുള്ള ഖത്തറിന്റെ ചിത്രം പങ്കുവെച്ച് എമിറാത്തി ബഹിരാകാശ സഞ്ചാരി. എമിറാത്തി ബഹിരാകാശ സഞ്ചാരിയായ സുല്‍ത്താന്‍ അല്‍ നെയാദിയാണ് തന്റെ ഇന്‍സ്റ്റാഗ്രാം അക്കൗണ്ടിലൂടെയാണ് ബഹിരാകാശത്ത് നിന്നുള്ള ഖത്തറിന്റെ അതിശയിപ്പിക്കുന്ന ഫോട്ടോ പുറത്ത് വിട്ടത്.
‘ഗള്‍ഫിന്റെ ഹൃദയവും (ബഹ്റൈന്‍) ഗള്‍ഫിന്റെ മുത്തും (ഖത്തര്‍).’ ചിത്രം പോസ്റ്റ് ചെയ്തുകൊണ്ട് അല്‍ നെയാദി തന്റെ സോഷ്യല്‍ മീഡിയ അക്കൗണ്ടില്‍ കുറിച്ചു.
2023 മാര്‍ച്ചിലാണ് സ്പേസ് എക്സ് ആറ് മാസത്തെ ബഹിരാകാശ യാത്രക്കായി അല്‍ നയാദിയേയും ഒരു റഷ്്യന്‍ ബഹിരാകാശയാത്രികനേയും രണ്ട് നാസ ബഹിരാകാശയാത്രികരെയും ബഹിരാകാശത്തേക്കയച്ചത്. സെപ്റ്റംബര്‍ വരെ അദ്ദേഹം അവിടെയുണ്ടാകും.
