പി.എസ്.എം.ഒ കോളേജ് ഖത്തര് അലുംനിക്ക് പുതിയ ഭാരവാഹികള്
മുഹമ്മദ് റഫീഖ് തങ്കയത്തില്
ദോഹ : തിരൂരങ്ങാടി പി എസ് എം ഒ കോളേജ് അലുംനി ഖത്തര് ചാപ്റ്റര് 2021-23 വര്ഷത്തേക്കുള്ള പുതിയ കമ്മിറ്റിയെ തെരഞ്ഞെടുത്തു. മുന് പ്രസിഡണ്ട് ജാഫര് സി എച്ച് അധ്യക്ഷത വഹിച്ച ജനറല്ബോഡി യോഗത്തിന് മുന് ജനറല് സെക്രട്ടറി റിയാസ് അബ്ദുള്ള സ്വാഗതമാശംസിച്ചു. കഴിഞ്ഞ രണ്ടു വര്ഷത്തെ പ്രവര്ത്തന റിപ്പോര്ട്ട് സുഹൈല് ചേരട യോഗത്തില് അവതരിപ്പിച്ചു. അഡൈ്വസറി ബോര്ഡ് ചെയര്മാന് മുഹമ്മദ് റഫീഖ് തങ്ങള്, ഹക്കീം കാപ്പന് അബ്ദുല് അസീസ്, സുരേഷ് പണിക്കര്, എന്നിവര് ആശംസകള് അര്പ്പിച്ച് സംസാരിച്ചു.
ഹക്കീം കാപ്പനെ പ്രസിഡണ്ടായും കെ ടി. ഹസീബ് ജനറല് സെക്രട്ടറിയായും യൂനുസ് സലീം മച്ചിഞ്ചേരി ട്രഷററായും തെതരഞ്ഞെടുത്തു. വൈസ് പ്രസിഡണ്ടുമാരായി സുരേഷ് ബാബു പണിക്കര്, ഓ അബ്ദുള്ള ഹുസൈന്, സഹ്ല പിഎം എന്നിവരെ വൈസ് പ്രസിഡണ്ടുമാരായും മുഹമ്മദ് സഫ്വാന് അബ്ദുസ്സലാം, അഫ്സല് എ കെ, നാസര് പിവി എന്നിവരെ സെക്രട്ടറിമാരായും തെരഞ്ഞെടുത്തു. സാബിര് അഹ്മദ് പി ഫൈനാന്സ് കണ്വീനറായും, മുഹമ്മദ് സലാഹുദ്ദീന് കാപ്പന് സ്പോര്ട്സ് കണ്വീനറായും, ഇസ്മായില് അരിമ്പ്രയെ വെല്ഫെയര് ആന്ഡ് സ്കോളര്ഷിപ്പ് കണ്വീനറായും ഹാറൂണ് തയ്യിലിനെ മീഡിയ കോര്ഡിനേറ്ററായും യോഗം തെരഞ്ഞെടുത്തു. തെരഞ്ഞെടുപ്പ് നടപടികള്ക്ക് മുഹമ്മദ് റഫീഖ് തങ്ങള്, അബ്ദുല് അസീസ്, ഷഹനാസ് ബാബു എന്നിവര് നേതൃത്വം നല്കി. ട്രഷറര് യൂനുസ് സലീമിന്റെ നന്ദി പറഞ്ഞു.
